Frumsýna nýjan Peugeot jeppling

Peugeot 2008.
Peugeot 2008.

Glænýr Peugeot 2008 jepplingur verður frumsýndur hjá Brimborg í  Reykjavík og á Akureyri dagana 19.-28. mars. Á Akureyri verður einnig frumsýndur Peugeot e-208, sem er hreinn rafbíll og var á dögunum kosinn bíll ársins í Evrópu 2020.

Þá verður Peugeot 3008 PHEV, fjórhjóladrifinn, 300 hestafla tengiltvinnjeppi einnig á staðnum bæði í Reykjavík og á Akureyri.

Peugeot 2008 SUV sem er alveg nýr bíll frá grunni og hefur hlotið lof fyrir framsækið útlit. Hann verður í boði með nýjustu kynslóð af sparneytnum PureTech vélum með nýrri 8 þrepa sjálfskiptingu og 5 ára ábyrgð.

„Eins og aðrir nýir Peugeot bílar kemur nýr 2008 með nýjustu kynslóð af Peugeot 3D i-Cockpit innréttingu sem er fullkominn stafrænn heimur þar sem mælaborð og stjórntæki eru í sjónlínu ökumanns og bæta þannig akstursgæði,“ segir í tilkynningu.

„Öflug öryggistækni aðstoðar ökumanninn við aksturinn. Veglínuskynjun, blindpunktsaðvörun, vegskiltalesari, fjarlægðarstillanlegur hraðastillir, sjálfvirk neyðarhemlun og ný gerð bakkmyndavélar eru dæmi um einstakan öryggisbúnað í Peugeot 2008,“ segir ennfremur í tilkynningunni.

Í maí verður Peugeot 2008 SUV einnig í boði sem hreinn rafbíll. Drægi hans er uppgefið 320 km.

Að sögn Brimborgar kostar beinskiptur Peugeot 2008 frá 3.360.000 krónum og sjálfskiptur frá 4.020.000 kr. Bíllinn er fáanlegur í fjórum búnaðarfærslum; Active, Allure, GT-line og GT.

Með frumsýningunni fer Brimborg nýjar leiðir. Í stað eins frumsýningardags stendur sýningin yfir í 10 daga. agas@mbl.is

Peugeot 2008.
Peugeot 2008.
Peugeot 2008.
Peugeot 2008.
Peugeot 2008.
Peugeot 2008.
Peugeot 2008.
Peugeot 2008.
Peugeot 2008.
Peugeot 2008.
Peugeot 2008.
Peugeot 2008.
Peugeot 2008.
Peugeot 2008.
mbl.is