Franska bílablaðið AutoPlus spyr þeirrar spurningar í nýjasta tölublaði sínu hversu margir tengiltvinnbílar séu á frönsku bifreiðaskránni.
Það svarar henni í sama blaðið og bætir við að fjöldinn sé ekki nema dropi í hafið þegar heildarfjöldinn á bifreiðaskránni er skoðaður.
Alls voru 70.381 tengiltvinnbílar á skránni í nýliðnum maímánuði en heildarfjöldi skráðra bíla af öllum gerðum rúmlega 39 milljónir.
Blaðinu þykir ljóst að rafbílum muni fjölga mjög á næstunni vegna vaxandi framboðs á rafbílamódelum og fjárhagslegum ívilnunum, upp á 2.000 evrur á hvern keyptan rafbíl.
Vinsælasti tengiltvinnbíllinn í Frakklandi er Mitsubishi Outlander, með 6.859 skráð eintök. Þrír söluhæstu tvinnbílarnir í maí voru aftur á móti DS 7 Crossback E-Tense úr smiðju PSA-samsteypunnar, Peugeot 3008 Hybrid4 og Ford Kuga.