Daimler, móðurfélag Mercedes-Benz, hefur ákveðið að flytja framleiðslu smábílanna Smart til Kína og hefur því auglýst Smart-smiðjuna í Frakklandi til sölu.
Smart hefur frá upphafi verið smíðaður í bílsmiðju Daimler í Hambach í Frakklandi en hún er fórnarlamb kórónuveirukreppunnar sem vegna hruns í sölu nýrra bíla og mikil umframafköst í framleiðslulínunni hefur kallað á djúpstæða uppstokkun framleiðslustefnu Daimler.
Smart hefur verið smíðaður í Hambach frá 1997 og starfsmenn bílmiðjunnar eru 1.600. Þar voru smíðuð rúmlega 80.000 Smart í hitteðfyrra, 2017. Verður framleiðsla bílanna flutt frá Frakklandi til Kína þar sem smíðiskostnaður er mun lægri.