Citroen keyrir á rafmagnið

Franski bílaframleiðandinn Citroen keyrir nú á fullu á rafmagnið og stefnir að því að allir bílar  fyrirtækisins verði rafdrifnir fyrir árið 2025.

Nýr tengiltvinnbíllinn Citroen C5 Aircross PHEV verður frumsýndur í lok október  en forpantanir hefjast á miðnætti miðvikudaginn 7. október í vefsýningarsal nýrra bíla hjá Brimborg.

Farangursrýmið er 460-600l, það stærsta í þessum flokki bíla. Hábyggt jeppalagið og há sætisstaða skapa þægilegt aðgengi og þegar inn er komið blasir við notendavænt, rúmgott innra rými með breiðum, mjúkum framsætum og þremur, stökum, jafnbreiðum aftursætum. Aftursætin eru á sleða og rúma auðveldlega þrjá barnastóla.

Citroen C5 Aircross PHEV er þægilegur í akstri með þremur akstursstillingum, Electric, Hybrid og Sport, með 8 gíra sjálfskiptingu og kraftmikilli aflrás sem samanlagt skilar 225 hestöflum. Í aflrásinni er annars vegar 45 hestafla rafmótor og 1,6 lítra, 180 hestafla, bensínvél. Kostar aðeins um 220 kr. að fylla 13,2 kWh rafhlöðuna af íslenskri orku og meðaleyðsla á bensíni er aðeins 1,6 lítrar per 100 km. Á rafmagninu einu er drægi bílsins 55 km, eða nokkuð umfram 40 km daglegan meðalakstur á höfuðborgarsvæðinu. Hægt er að fullhlaða heima eða í vinnu á innan við 2 tímum.

Aircross PHEV er með GPS vegaleiðsögn, veglínuskynjun, hraðastilli, bakkmyndavél, nálægðarskynjurum að framan og aftan, lyklalausu aðgengi og þráðlausri símahleðslu svo fátt eitt sé nefnt. Er hann búinn 20 aksturskerfum sem aðstoða ökumann við akstur m.a. ef þreyta gerir vart við sig. Kerfi bílsins greina hugsanlegar hættur og lágmarka þannig hættu á árekstri.

Hagstætt verð og hagstæð græn fjármögnun

Fyrstu Citroen C5 Aircross PHEV bílarnir eru nú á leiðinni til Íslands og mun Brimborg bjóða hann frá 5.490.000 krónum. Brimborg býður bílaskipti úr eldri bíl upp í nýjan Citroen C5 Aircross PHEV sem gildir sem útborgun og með hagstæðri grænni fjármögnun er mánaðargreiðslan aðeins 49.977 kr. á mánuði. Með bílaskiptum úr eldri bíl í nýjan þá sparast mikið í eldsneytiskaupum og lægri bifreiðagjöldum sem léttir mánaðargreiðsluna enn frekar.
Mánaðargreiðslan í þessu dæmi miðast við uppítöku á eldri bíl á 2.000.000 kr. og 8 ára lán og er hlutfallstala kostnaðar í dæminu 5,66%, að sögn Brimborgar.