Kínverjar aka um glerbrýr

Brúin þverar ána Lianjiang í héraðinu Huangchuan.
Brúin þverar ána Lianjiang í héraðinu Huangchuan.

Austur í Kína var nýverið vígð brú yfir fljót sem væri ekki orð á gerandi nema sakir þess að brúargólfið, sem er 526 metra langt, er úr gleri. Mun þetta vera lengsta glerbrú heims.

Brúin var hönnuð af rannsóknarstöð Zhejiang-háskólans en sjálfa er brúna nýstárlegu að finna í „Þriggja gljúfra“ héraðinu í Huangchuan í suðurhluta landsins. Þverar brúin ána Lianjiang.

Brúin var reist með glergólfi til að laða til hennar ferðamenn. Um er að ræða hengibrú sem tengir báðar hliðar gljúfurs 210 metra yfir ánni. Hún getur borið 500 manns í einu.

Brúargólfið er úr 4,5 sentimetra þykku samlímdu og sérhertu gleri. Með eiginleikum þess er það afar tært og gefur ferðamönnum kost á að horfa beint niður. Einhverja gæti sundlað við það, einkum þegar stór skip sigla þar undir. Hönnuðir gólfsins sögð við brúarvígsluna, að það glitraði sem kristall, væri tært að gegnsæi og ljósbrot eins og best yrði á kosið.

Brúin er sex metra breið sem gerir fólksbílum kleift að aka um hana. Um hana mun þó ekki liggja almennur vegur, heldur verður hún brúkuð í þágu ferðaþjónustu. Hún var rúm þrjú ár í byggingu og mun hafa sprengt kostnaðaráætlunina sem hljóðaði upp á 43 milljónir dollara.

Nokkrar glerbrýr er að finna í Kína en enga þó alveg jafn langa og Þriggja gljúfra brúna. agas@mbl.is

Brúin þverar ána Lianjiang í héraðinu Huangchuan.
Brúin þverar ána Lianjiang í héraðinu Huangchuan.
Brúin þverar ána Lianjiang í héraðinu Huangchuan.
Brúin þverar ána Lianjiang í héraðinu Huangchuan.
Brúin þverar ána Lianjiang í héraðinu Huangchuan.
Brúin þverar ána Lianjiang í héraðinu Huangchuan.
Brúin þverar ána Lianjiang í héraðinu Huangchuan.
Brúin þverar ána Lianjiang í héraðinu Huangchuan.
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »