Citroën ë-C4 rafbíll með 7 ára ábyrgð

Franski bílaframleiðandinn PSA Peugeot-Citroen keyrir nú á fullu á rafmagnið og stefnir að því að allir bílar Citroenbílar verði rafdrifnir fyrir árið 2025.

Citroen hefur verið í fararbroddi tækninýjunga í bílgreininni alla tíð í 100 ára sögu sinni og stígur enn eitt mikilvægt umhverfisskref til rafvæðingar með 100% hreina afbílnum Citroën ë-C4.

Drægi bílsins á rafmagni einu saman er 350 km og er hann á einstaklega hagstæðu verði frá 4.090.000 kr. með 7 ára ábyrgð á bílnum og 8 ára ábyrgð á  drifrafhlöðu.

Forsala á Citroën ë-C4 100% rafbílnum hófst í vefsýningarsal nýrra bíla hjá Brimborgar á miðnætti 21. desember. Sýningar- og reynsluakstursbílar koma til Íslands í lok janúar og afhending til viðskiptavina hefst í febrúar.

Í tilkynningu segir að rafbíllinn Citroen ë-C4 sé búinn 50 kílóvattstunda (kWh) rafhlöðu og varmadælu sem endurnýtir orku fyrir miðstöðina. Bíllinn er með 15,6 cm veghæð sem skapar þægilegt aðgengi.

„Þegar inn er komið blasir við einstaklega nútíma- og tæknilegt innra rými með breiðum, mjúkum sætum og ríkulegum staðalbúnaði. Citroën ë-C4 er sjálfskiptur með 136 hestafla, hljóðlátri rafmagnsvél og 260 Nm togkrafti.

Ríkulegur staðalbúnaður prýðir bílinn. Í grunnbúnaði er snjallmiðstöð með tímastillingu og forhitun sem tryggir ávallt heitan bíl, varmadæla sem eykur virkni miðstöðvar og drægið, 10” snjallsnertiskár í mælaborði, snjallhemlun sem virkar í myrkri og greinir gangandi og hjólandi vegfarendur,  ökumannsvaki, hraðastillir, veglínustýring sem aðstoðar við að halda
stefnu á vegi, tölvustýrð miðstöð með loftkælingu og 18” álfelgur svo fátt eitt sé nefnt,“ segir í tilkynningu.