Samkvæmt uppgjöri fyrir bílasöluna í veröldinni á nýliðnu ári, 2020, hrósar Toyota tvöföldum sigri.
Í efsta sætinu er Toyota Corolla en af þeim bíl voru 1,13 milljónir nýskráðar á síðasta ári. RAV4 er í öðru sæti á skránni og Honda CR-V í þriðja sæti.
Ford F-150 var í öðru sæti 2019 en kemst ekki meðal 10 söluhæstu 2020. Raunin er sú að í þeim hópi eingöngu bílar frá Asíu og VW.
Corolla seldist í i1.134.262 eintökum sem var 8,8% samdráttur frá árinu áður. RAV4 var annar aðeins tveggja á topp 10 listanum sem bætti við sig í sölu 2020. Seldust af honum 971.516 eintök sem var 1,9% aukning.
Honda CR-V (705.651) endaði einu sæti ofar en árið áður þrátt fyrir 13,2% samdrátt. Fór hann upp fyrir stallbróður sinn Honda Civic (697.945) sem leið 16,3% samrátt.
Mikill samdráttur varð í sölu Volkswagen Tiguan, eða 18,8% en hann varð samt í fimmta sæti og nýskráð eintök voru 607.121.
Athygli vekur Nissan Sylphy sem hafnaði í sjöunda sæti á nýliðnu ári. Af honum komu 544.376 á götuna sem var 14,4% aukning.
Sæti ofar varð Toyota Camry sem og færðist upp um eitt sæti frá fyrra ári. Seld eintök 592.648 sem var 13,2% samdráttur.
Í áttunda sæti varð svo Volkswagen Golf sem féll niður um tvö sæti. Salan 492.262 eintök sem var 28,6% samdráttur frá 2019.