Endurhannaður og öflugri Lexus-sportjeppi

Stýrið er alvegnýtt og stóri snertiskjárinn í Lexus 350h mikil …
Stýrið er alvegnýtt og stóri snertiskjárinn í Lexus 350h mikil breyting.

Nýr Lexus-sportjeppi, NX 350h, var kynntur til leiks á netinu fyrir helgi. Þar er á ferðinni nýjasti liðsmaður endurhannaðrar Lexus-línu og foringi annarrar kynslóðar Lexus NX.

Hann leysir 300h-jepplinginn af hólmi og nær meira afli út úr tvinnaflsrásinni en forverinn auk þess að vera sparneytnari.

NX 350h er býsna líkur forveranum að útliti en línur allar eru þó mun mýkri en á 300h. Þar sem heil mergð af NX 300 hefur selst mun Toyota hafa þótt ástæðulaust að fleygja útliti hans en draga úr beittum línum með mýkri brotalínum.

Þegar inn er komið blasir við allt annað umhverfi en á forveranum og nýtískulegra. Hefur farþegaklefinn verið endurhannaður frá grunni. Komið er alveg nýtt stýri, stafrænir mælar eru áberandi og miðstokkurinn glansandi fínn. Meðal tækninýjunga er alveg nýr snertiskjár þar sem má kalla fram upplýsingar um gangverk bílsins og framvindu ferðar auk þess að sækja þangað afþreyingu.

Lægri þyngdarpunktur

Lexus mun með tímanum bjóða nokkrar mismunandi útgáfur NX 350. Grunnbíllinn skartar lægri þyngdarpunkti sem eykur á skilvirkni hverfilblásinnar vélarinnar. Betur afstífð vegna lægri þyngdarpunkts skilar vélin allþokkalegri vinnslu og meiri krafti en á NX 300.

Eins og áður segir er NX-sportjeppi sem skipar sér sess milli smájeppans UX og hins meðalstóra RX.

Kraftinn fær NX 350h úr 2,5 lítra fjögurra strokka vél sem samtengd er tvinnaflrásartækni. Þannig hefur ökumaður úr 239 hestöflum að spila sem er 45 hestum meira en í NX 300h. Að sögn Lexus bætir aukna aflið viðbragð NX 350h sem kemst í hundraðið úr kyrrstöðu á 7,2 sekúndum. Er það mikil breyting á snerpu því NX300h þarf 8,4 sekúndur þennan stutta spotta. Allir NX 350h-sportjeppar verða með drif á öllum fjórum hjólum. agas@mbl.is

Endurhannaður nýr Lexus NX 350h er kraftmeiri sportjeppi en áður.
Endurhannaður nýr Lexus NX 350h er kraftmeiri sportjeppi en áður.
Endurhannaður nýr Lexus NX 350h er kraftmeiri sportjeppi en áður.
Endurhannaður nýr Lexus NX 350h er kraftmeiri sportjeppi en áður.
Endurhannaður nýr Lexus NX 350h er kraftmeiri sportjeppi en áður.
Endurhannaður nýr Lexus NX 350h er kraftmeiri sportjeppi en áður.
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »