BMW frumsýnir vígalegan rafjeppling
Setja bókamerki
BMW á Íslandi frumsýnir á laugardaginn, 30. október milli klukkan 12 og 16, nýtt flaggskip rafbíla þýska framleiðandans, þegar hulunni verður svipt af hinum fjórhjóladrifna og rúmgóða BMW iX, sem óhætt er að fullyrða að setji ný viðmið í flokki rafknúinna jepplinga.
Þetta kemur fram í tilkynningu frá bílaumboðinu
BMW iX er boðinn í tveimur mismunandi útfærslum hvað afköst varðar; annars vegar BMW iX xDrive40 og hins vegar BMW iX xDrive50 og eru báðar gerðir fáanlegar í nokkrum mismunandi búnaðarútfærslum; Atelier, Loft, Suite Sport og Lounch Edition og er verðið frá 10.990 þúsundum króna.
Mikil drægni
BMW iX xDrive40 er 326 hestöfl (240 kW) og hröðun úr kyrrstöðu í 100 km/klst. er um 6 sekúndur. Háspennt rafhlaða iX xDrive40 er 76,6 kWh sem veitir allt að 425 km drægni á hleðslunni samkvæmt WLTP.
BMW iX xDrive50 er 523 hestöfl (385 kW) og er snerpan úr kyrrstöðu í 100 km/klst. 4,8 sekúndur. Rafhlaða BMW iX xDrive50 er 111,5 kWh sem hefur allt að 630 km drægni.
Hin nýja hleðslutækni BMW Group gerir kleift að hlaða um 120 km drægni á 10 mínútum á rafhlöðina í DC hraðhleðslustöð. Hleðsla frá 10% til 80% tekur innan við 40 mínútum og með 11 kW hleðslustöð tekur innan við ellefu klukkustundir að hlaða háspennta rafhlöðuna frá 0% í 100%.
Rúmgóður og ríkulega búinn
BMW iX er rúmgóður fjórhjóladrifinn fimm manna bíll, sem byggður er á skalanlegum undirvagni úr áli og koltrefjum. Til útskýringar er BMW iX svipaður að lengd og breidd og BMW X5 xDrive og hæð yfirbyggingarinnar er svipuð og á X6 xDrive.
Rafbíllinn iX er búinn sérlega glæsilegu og tæknivæddu farþegarými ásamt öryggis- og aðstoðarkerfum, að ekki sé talað um ríkulegan þægindabúnað fyrir ökumann og farþega eins. Ítarlegar upplýsingar um mismunandi staðalbúnað, fáanlegan aukabúnað, helstu mál og fleira er við kemur iX er að finna á bmw.is.
Allar megineiningar drifrásarinnar, svo sem mótorar, rafeinda- og hleðslutækni auk háspenntra rafhlaðanna sem sérstaklega voru þróaðar fyrir BMW iX, voru alfarið þróaðar af sérfræðingum BMW Group. Þá er tölvukerfi iX margfalt öflugra en sést hefur áður í fjöldaframleiddum bíl, sem gerir m.a. kleift að nýta 5G-tæknina til að láta iX aka án aðstoðar eða leggja sjálfur í stæði.
BMW iX er jafnframt búinn radar- og litaskynjun til að bera kennsl á mismunandi fyrirbrigði í umhverfinu, innfelldum hurðarhúnum og flötu gólfi til að hámarka rými farþeganna, ekki síst þess sem situr í miðju aftursætisins. Tveir stórir og bogadregnir skjáir eru áberandi í mælaborðinu, annar 15“ og hinn 12,3“ veita góða góða stjórn yfirsýn fyrir ökumann og farþega auk þess sem glerþak iX er það stærsta til þessa frá BMW.
