Hraðhleðsla á lóðum Húsasmiðjunnar
Til að byrja með verður frítt að hlaða fyrir rafbílaeigendur.
Ljósmynd/Aðsend
Setja bókamerki
Ískraft dótturfélag Húsasmiðjunnar og Orkusalan hafa gert með sér samkomulag um uppbyggingu á hraðhleðslustöðva á lóðum Húsasmiðjunnar um allt land á næstu tveimur árum. Þetta kemur fram í tilkynningu.
Fyrsta hraðhleðslan á Akureyri
Fyrsta hraðhleðslan opnaði á dögunum á Akureyri við nýja verslun Húsasmiðjunnar, Ískrafts og Blómavals við Freyjunes. Hraðhleðslustöðin þar er með 150 kw hleðslugetu og getur hún hlaðið tvo bíla í einu. Ef tveir bílar hlaða samtímis deilir stöðin afli á milli þeirra að hámarki 75kW á tengi. Einnig voru settar upp sex 22 kw hleðslustöðvar á sama stað.
Til að byrja með verður frítt að hlaða fyrir rafbílaeigendur.
