Á dögunum greindi Ragnhildur Steinunn Jónsdóttir frá því að hún og eiginmaður hennar, Haukur Ingi Guðnason, ættu von á tvíburum. Hjónin ganga þar með í hóp fjölda fólks sem á tvíbura en nokkrir þekktir Íslendingar eru einmitt tvíburaforeldrar.
Leikarahjónin Unnur Ösp Stefánsdóttir og Björn Thors eignuðust tvíburadrengi árið 2017.
Leikkonan, rithöfundurinn og baráttukonan Þórdís Elva Þorvaldsdóttir og leikarinn Víðir Guðmundsson eignuðust tvíbura í vor. Tvíburarnir komu í heiminn eftir 28 vikna meðgöngu en Þórdís Elva hefur verið dugleg að segja frá því hvernig þeir braggast á Instagram.
Björt Ólafsdóttir, fyrrverandi þingmaður og ráðherra, eignaðist tvíbura árið 2015 með eignmanni sínum Birgi Viðarssyni.
Lögmaðurinn og fyrrverandi þulan Eva Sólon eignaðist tvíbura árið 2013 með eiginmanni sínum Jóni Stefáni Jónssyni.
Söngkonan Sigga Beinteins eignaðist tvíbura með sambýliskonu sinni, Birnu Maríu Björnsdóttur, árið 2011.
Leikarahjónin Tinna Hrafnsdóttir og Sveinn Þórir Geirsson eignuðust tvíbura saman árið 2012.
Leikarahjónin Charlotte Böving og Benedikt Erlingsson eignuðust tvíburadætur árið 2008.
Fyrrverandi stjórnmálakonan Katrín Júlíusdóttir eignaðist tvíbura árið 2011 með eiginmanni sínum Bjarna Bjarnasyni.
Ólafur Ragnar Grímsson, fyrrverandi forseti Íslands, eignaðist tvíburadæturnar Tinnu og Döllu árið 1975 með Guðrúnu Katrínu Þorbergsdóttur heitinni.
Tinna Ólafsdóttir, dóttir Ólafs Ragnars Grímssonar, og eiginmaður hennar Karl Pétur Jónsson eignuðust síðan tvíbura árið 2012. Tvíburarnir komu í heiminn hvor sínu megin við miðnætti og eiga því hvor sinn afmælisdaginn.
Hjónin Guðlaugur Þór Þórðarson utanríkisráðherra og Ágústa Johnson, framkvæmdastjóri Hreyfingar, eiga tvíbura saman sem fæddir eru árið 2002.
Söngkonan Diddú eða Sigrún Hjálmtýsdóttir á tvíburadætur með manni sínum Þorkeli Jóelssyni. Eru dæturnar fæddar árið 1985.