Mætt aftur fimm mánuðum eftir barnsburð

Victoria's Secret-engillinn Candice Swanepoel var ólétt án þess að fólk vissi af á tískusýningu nærfatarisans í fyrra. Hún eignaðist sinn annan son fyrir fimm mánuðum en var þrátt fyrir allt þetta mætt á tískupallinn á fimmtudaginn.

Meðgöngur fara auðvitað misjafnlega með konur en það var ekki að sjá að Swanepoel hefði verið uppi á fæðingardeild fyrir minna en hálfu ári. Fyrirsætan opnaði sig um móðurhlutverkið á Instagram og það að hún væri aftur farin að sitja fyrir eins og People greindi frá. 

Candice Swanepoel kom fram á nærfatnaði á tískusýningunni. AFP

„Oft fáum við sektarkennd yfir að gera það sem við gerðum áður,“ sagði fyrirsætan. „Við gleymum að hugsa um okkur sjálfar, það er mjög gott að vinnan mín felst í að líta vel út annars myndi ég örugglega ekki líta í spegil.“

„Ég get ekki sagt ykkur hversu stolt ég er af líkama mínum og því sem hann hefur gefið mér. Ótrúlegan starfsferil og strákana mína tvo. Núna er ég tilbúin að sýna mig aftur og í þetta skiptið geri ég það fyrir alla mæðurnar þarna úti sem vinna og sjá um börnin sín af því við eigum það skilið að finnast við fallegar og voldugar og kynþokkafullar,“ sagði Candice Swanepoel. 

Candice Swanepoel. AFP

• Blogga um frétt