Mæður vonast auðvitað til þess að börn þeirra séu nógu stór þegar þau fæðast en kannski ekki of stór. Samkvæmt Heimsmetabók Guinness er þyngsti nýburi í heimi strákur sem fæddist 10,2 kíló á Ítalíu árið 1955.
Drengur sem kom í heiminn í Ohio í Bandaríkjunum 19. janúar 1879 hafði verið þyngstur þangað til en aðeins munar nokkrum grömmum á honum og þeim ítalska og vó hann 9,98 kíló. Strákurinn lifði því miður bara í 11 klukkustundir.
Faðir bandaríska drengsins, Martin van Buren Bates, lýsti syni sínum þannig að hann hefði verið eins og sex mánaða gamalt barn við fæðingu en hann var 71,12 sentimetrar á lengd.
Drengurinn litli var af hávöxnu og miklu fólki kominn en foreldrar hans eiga heimsmetið í flokki hávaxinna hjóna. Er herra Bates sagður hafa verið 236,22 sentimetrar en kona hans Anna Bates sögð hafa mælst 241,3 sentimetrar.