Knattspyrnukappinn og fjögurra barna faðirinn Wayne Rooney mætti með strákana sína fjóra í sérmerktum treyjum inn á leikvanginn áður en flautað var til leiks í vináttuleik Englands og Bandaríkjanna á fimmtudag. Var tilefnið síðasti landsleikur Rooney og fékk kappinn viðurkenningu fyrir leik.
Landsleikurinn var númer 120 hjá Rooney og voru þeir Kai sem er níu ára, Kley sem er fimm, Kit sem er tveggja ára og hinn níu mánaða gamli Cass í treyjum númer 120 og á stóð „daddy“ eða pabbi. Móðir drengjanna og eiginkona Rooney, Coleen, lét sér nægja að fylgjast stolt með úr stúkunni.
Hjónin Wayne Rooney og Coleen Rooney virðast bara eignast drengi en þau eru nýflutt til Washington í Bandaríkjunum með fjóra syni sína þar sem fjölskyldufaðirinn leikur knattspyrnu.