Leikarinn Channing Tatum brallaði ýmislegt skemmtilegt með fimm ára gamalli dóttur sinni, Everly, á sunnudaginn. Tatum er einstæður faðir en hann og barnsmóðir hans, Jenna Dewan, tilkynntu um skilnað sinn fyrr á þessu ári.
Bjuggu feðginin til slím og léku sér með það. Dóttur Tatum fannst slímið hans ógeðslegra þar sem það var klístraðra en hennar. Lím var greinilega eitt af innihaldsefnunum í heimagerða slími leikarans og dóttur hans. Sagði Everly hafa sett mjög lítið lím sem gerði það að verkum að slímið hennar varð ekki jafn klístrað og föður hennar.
Efnafræðingurinn Katrín Lilja Sigurðardóttir gaf út bókina Slímbók Sprengju-Kötu þar sem hún útskýrir í máli og myndum hvernig á að gera slím úr einföldum efnum – sem og trölladeig og kristalla.
Hér er hins vegar slímuppskrift með sjampói sem birtist á Mbl í vor:
1. Helltu ca 120 millilítrum að sjampói í skál. Því þykkara sem sjampóið er, því betra.
2. Nota má matarlit eða glimmer ef það er til á heimilinu til að skreyta slímið. Hrærið saman með skeið.
3. Bættu við 280 grömmum af maíssterkju (til dæmis ljóst Maizena eða Maisstivelse frá Coop). Einnig má nota kartöflumjöl.
4. Bættu við einni matskeið af vatni þar til þú hefur náð réttri þykkt. Þú gætir þurft allt að sex matskeiðum. Því meira vatn, því lausara slím, en ef þú vilt slím sem er meira eins og deig þá þarftu ekki mikið vatn.
5. Þegar slímið þitt hefur blandast því vatni og sterkju sem það nær að blandast er það tilbúið og hægt að leika við það. Mundu að geyma það í loftheldum umbúðum þegar þú ert hætt/ur að nota það. Þú þarft þarft um það bil fjórðung úr eða hálfa teskeið til að fríska það við þegar þú leikur með það næst.
6. Góða skemmtun!