Fékk vegan-brjóstamjólk frá ókunnugri konu

Stjörnuhúðflúrlistakonan Kat Von D eignaðist barn með manni sínum Leafar Seyer í síðasta mánuði. Hin nýbakaða móðir lenti í vandræðum með brjóstagjöf fyrstu dagana og fékk að lokum brjóstamjólk frá ókunnugri konu en Von D sem er vegan vildi sleppa formúlumjólk og gerði þá kröfu að ókunnuga konan væri á plöntufæði. 

Frétt af mbl.is

Með tattóveraðra barnamynd af fyrrverandi

Von D skrifaði þakklætispistil á dögunum og þakkaði konunni sem gaf henni brjóstamjólk. Segir hún fyrstu tvo dagana fyrir son sinn hafa verið erfiða, blóðsykurinn hafi fallið. Eins mikið og hún hafi viljað gefa honum mjólk sína kom hún ekki. 

Barnalæknir hafi þá bent foreldrunum á að spyrjast fyrir um hvort einhver vina þeirra ætti aukamjólk ef ekki þyrfti að grípa til formúlu, eitthvað sem þau vildu alls ekki. Von D hafði samband við ljósmóður sína sem setti hana í samband við konu á plöntufæði sem bjargaði Von D fyrstu dagana. 

Von D fór að framleiða mjólk á degi fimm og gefur nú syni sínum brjóst heima hjá sér. Segist hún hlakka til að launa greiðann áfram. Hún tók það fram að hún dæmir ekki fólk sem notar formúlumjólk og vill því ekki láta dæma sig fyrir að deila þessari sögu sinni. 

• Blogga um frétt