Krúttlegustu sexburar í heimi

Í vikunni fögnuðu sexburar bandarísku hjónanna Eric og Courtney Waldrop eins árs afmæli. Sexburarnir hafa vakið heimsathygli en fjölskyldan er komin með sína eigin þætti sem fjalla um líf barnanna og þriggja eldri bræðra þeirra. 

Sexburarnir komu í heiminn í fyrra með keisaraskurði eftir 30 vikna meðgöngu. Foreldrarnir fengu aðstoð við að eignast börnin eftir að hafa gengið í gegnum nokkur fósturlát. 

Blu, Layke, Rawlings, Rayne, Rivers og Tag eru yfirmáta krúttlegir og segir móðirin í viðtali við People að sexburarnir séu að þroskast og sex mismunandi persónuleikar eru að að koma í ljós. 

Afmælinu var að sjálfsögðu fagnað með myndatöku og fengu öll afmælisbörnin sína köku. 

• Blogga um frétt