Grínleikarinn Eddie Murphy eignaðist sitt tíunda barn í lok nóvember. Elsta dóttir leikarans, Bria Murphy, birti fjölskyldumynd á jóladag af fjölskyldu Murphy en öll börnin hans voru saman komin á myndinni. Það yngsta þriggja vikna í fanginu á móður sinni, Paige Butcher.
Butcher og hinn 57 ára gamli leikari áttu saman hina tveggja ára gömlu Izzy áður en yngsti sonurinn kom í heiminn. Elsta barn Murphy er 29 ára gamalt en hann á nú samtals tíu börn með fimm konum.
Með á myndinni var móðir grínleikarans og tengdamóðir hans.