Svona gerir drottning barnaafmælanna

Viðburðarhönnuðurinn og stílistinn Jacquelyn Kazas er stofnandi Beijos events. Fyrirtækið veitir einstaklingum og fyrirtækjum aðstoð við að búa til eftirminnilegar veislur. 

Kazas gifti sig árið 2012 og elskaði hvert augnablik sem fólst í því að undirbúa brúðkaupið. Þegar brúðkaupið var yfirstaðið skapaðist ákveðið tómarúm innra með henni. Hún saknaði þess að undirbúa viðburðinn. Það var af þeim sökum sem hún hélt áfram að plana fyrir aðra. 

Hún þykir snillingur í að undirbúa barnaafmæli og segir að barnaafmæli séu það sem henni finnst skemmtilegast að gera. „Ástæðan fyrir því að ég elska barnaafmæli er sú að það eru svo skemmtileg þemu að vinna með fyrir börnin. Börn kunna að meta allt sem maður gerir fyrir þau. Eitt skemmtilegasta barnaafmæli sem ég hef unnið að er án efa afmæli með hafmeyju þema sem ég gerði fyrir Lucca Valentine, sem er dóttir vinkonu minnar.“

• Blogga um frétt