Heitustu afmæliskökuþemu ársins 2019

Þegar kemur að barnaafmælum er alltaf eitthvað í gangi sem er í tísku á hverju ári. Fyrir árið 2019 er því spáð að tölukökur komi hvað heitastar inn samkvæmt tímaritinu Parents. En einnig alls konar fleiri tegundir sem hafa ekki sést nýverið. 

Það er ýmislegt fallegt hægt að gera fyrir börn á árinu.

1. Tölukökur

Kökur sem sýna aldur barna og uppáhaldsliti þeirra eða dót verða vinsælar á þessu ári. það er auðvelt að gera kökurnar og margar útfærslur eru í boði. Hentar bæði stelpum og strákum. 

2. Litríkar ævintýrakökur

Kökur sem minna á ævintýri verða vinsælar í barnaafmælum á þessu ári. Hvort heldur sem er kaka með einhyrningi, veiðiþema eða Disney-ævintýri. Þá verður ýmislegt hægt að gera. 

3. Kleinuhringir

Öll börn elska kleinuhringi. Skreyttir kleinuhringir verða vinsælir á þessu ári í barnaafmælum. Hvort heldur sem er einir og sér eða ofan á kökum. 

Einnig verður áfram vinsælt að hafa einfaldar kökur sem eru litríkar að innan. Kökur þar sem nammi flæðir út úr þeim þegar þær eru skornar, gæludýrakökur og fleira í þeim dúrnum. 

• Blogga um frétt