„Ég varð að fara alla leið“

Kylie Jenner segir að hún hafi séð fyrir sér draumaveröld sem hana langaði að skapa á eins árs afmæli dóttur sinnar. Hún hafi teiknað upp þessa veröld og síðan fengið aðstoð við að útfæra afmælið. 

Jenner sem á dótturina Stormi með tónlistarmanninum Travis Scott lét ekki sitt eftir liggja á afmælisdaginn, heldur gerði ævintýraveröld fyrir fjölskylduna. Á meðal þess sem hún lét gera var margra hæða afmælisterta. 

Foreldrar Stormi fengu Mindy Weiss til að aðstoða sig við útfærslu á veislunni sem var ótrúlega áhugaverð eins og myndirnar sýna. 

Börnin fengu hringekju, herbergi með fiðrildum, boltaherbergi, litlir hákarlar skemmtu gestunum, það voru prinsessubúningar fyrir þá sem vildu og bangsaveggur svo eitthvað sé nefnt. 

„Ég varð að fara alla leið fyrir barnið mitt,“ segir Jenner á Instagram. 

• Blogga um frétt