Meghan hertogaynja skellti sér til New York í nokkra daga og mættu frægir vinir hennar í svokallaða steypiboð eða „babyshower“ þar sem væntanlegum erfingja var fagnað að bandarískum sið á þriðjudaginn. 

Boðið fór fram á hóteli sem kallast The Mark og er stílistinn Jessica Mulroney talin hafa skipulagt veisluna. Gestirnir voru bara um 15 en þó hefðu blómaskreytingar dugað fyrir hið glæsilegasta brúðkaup.

Ekki var hægt að greina kyn barnsins út frá skreytingunum en Harper's Bazaar greinir frá því að blómin hafi verið í alls konar litum sem hafi líklega átt að tákna árstíðina sem Meghan á von á sér en hún er sögð eiga von á sér í lok apríl. Blóm voru ekki einu skreytingarnar þar sem einnig var heilt appelsínutré flutt á hótelið sem á að tákna velgengni, hamingju og gæfu. 

Verðandi móðirin fékk auðvitað gjafir í veislunni. Leikkonan Abigail Spencer mætti með gjafapoka á hótelið en hún fór með Meghan út að borða í hádeginu áður en veislan hófst. Einnig var breytanlegt rimlarúm frá Babyletto flutt á hótelið. 

Svona rimlarúm var flutt á hótel Meghan fyrir steypiboð hennar. ljósmynd/Babyletto

Tennisstjarnan Serena Willimas fagnaði með Meghan og fór með henni út að borða um kvöldið. Fatahönnuðurinn Misha Nanoo lét sig heldur ekki vanta. Móðir Meghan, Doria Ragland, sást í Los Angeles sama dag og var því ekki viðstödd. 

Tengdar fréttir

Kóngafólk í fjölmiðlum

Í fyrstu heimsókn eftir krabbameinsgreiningu Katrínar

• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi

» Fleiri tengdar fréttir

• Blogga um frétt