Eignuðust börn eftir fertugt
Setja bókamerki
Stundum er tölunni 40 slengt fram þegar talað er um að konur séu hættar að geta átt börn. Á úttekt Harper's Bazaar má sjá að fjölmargar frægar mæður hafa eignast börn eftir fertugt og sumar meira að segja sín fyrstu börn eftir fertugt. Misjafnt er hversu opinskátt þær hafa rætt um hvort þær hafi fengið hjálp eða ekki.
Halle Berry
Óskarsverðlaunaleikkonan eignaðist sitt fyrsta barn 41 árs. Hún var þó ekki hætt að eiga börn en hún eignaðist yngra barn sitt þegar hún var 47 ára. Hún viðurkenndi í þætti Ellenar DeGeneres að óléttan hefði komið á óvart enda hélt hún að hún væri að byrja á breytingaskeiðinu.
Susan Sarandon
Læknir hafði sagt Sarandon að hún væri með legslímuflakk og gæti ekki eignast börn. Hún eignaðist þó dóttur þegar hún var 36 ára. Nokkrum árum seinna eða þegar hún var 42 ára og 45 ára eignaðist hún syni.
Nicole Kidman
Leikkonan hefur talað opinberlega um vandamálin sem hún og Tom Cruise gengu í gegnum þegar kom að barneignum. Þau ættleiddu tvö börn eftir utanlegsfóstur en þau misstu einnig fóstur. Hún eignaðist þó líffræðilega dóttur með Keith Urban þegar hún var 41 árs og þremur árum seinna kom yngsta dóttir þeirra í heiminn.
Salma Hayek
Hayek á eitt barn sem hún eignaðist þegar hún var 41 árs. Hayek viðurkenndi að hún hélt að hún þyrfti hjálp til þess að verða ólétt en svo var ekki.
Celine Dion
Dion átti í erfiðleikum með að eignast börn með eiginmanni sínum, René Angelil. Sonur þeirra René Charles kom í heiminn þegar Dion var nýskriðin yfir þrítugt með hjálp læknavísinda. Þau fengu svo aftur töluverða hjálp frá læknum þegar tvíburarnir Eddy og Nelson komu í heiminn þegar Dion var 42 ára.
Eva Mendes
Leikkonan eignaðist sitt fyrsta barn með Ryan Gosling þegar hún var fertugt. Tveimur árum seinna kom annað barn þeirra í heiminn.
Kim Basinger
Leikkonan eignaðist dótturina Ireland Baldwin með Alec Baldwin þegar hún var fertug.
Iman
Fyrirsætan og David Bowie eignuðust dóttur þegar Iman var 45 ára. Iman hafði áður eignast barn á þrítugsaldrinum. Þau höfðu farið í margar tæknifrjóvganir en ekkert gekk. Þegar þau voru að hugsa um ættleiðingu varð hún allt í einu ólétt og lýsir barninu sem kraftaverki.
Janet Jackson
Söngkonan eignaðist sitt fyrsta barn árið 2016 þá fimmtug. Jackson hefur ekki greint frá því hvernig ferlið var en eitt er víst að hún varð ólétt og fæddi son.
Geena Davis
Óskarsverðlaunaleikkonan eignaðist öll sín þrjú börn eftir fertugt. Hún eignaðist dóttur þegar hún var 46 ára og tvíburasyni tveimur árum seinna.
Stóraukið fé til samgöngusáttmála
/frimg/9/40/940831.jpg)
Telur eyðsluna munu rjúka upp úr öllu valdi
Segir óábyrgt að skipta út öllu bankaráðinu
Innviðir þandir og álagið „gríðarlegt“
„Menn eru bara búnir að forgangsraða“
Fjárfestingin 115 milljarðar króna
Þrjú og hálft ár fyrir skotárás í Úlfarsárdal