Barnastjarnan fyrrverandi Hilary Duff eignaðist sitt annað barn fyrir fimm mánuðum. Hún fagnaði áfanganum með því að deila myndbandi frá fæðingunni með aðdáendum sínum en Duff valdi að eiga barnið heima.
Segist Duff hafa velt því fyrir sér lengi hvort hún ætti að deila myndbandinu þar sem það er afar persónulegt. Segir hún að það hafi verið yndislegt, gefandi en um leið átakanlegt að faðma dóttur sína í fyrsta skipti en myndbandið sýnir einmitt þá stund.
Var búið að koma fyrir uppblásinni fæðingarlaug heima hjá Duff en með henni var ekki bara barnsfaðir hennar heldur einnig mamma hennar og systir. Sonur Duff sem kom í heiminn á spítala var á neðri hæðinni að leika sér í legó eins og ekkert væri í gangi á meðan móðir hans kom litlu systur í heiminn.
View this post on InstagramA post shared by Hilary Duff (@hilaryduff) on Mar 25, 2019 at 10:10am PDT