Það er áhugavert að horfa til þeirra landa sem eru ekki að kljást við heilsufarsleg vandamál á borð við offitu barna. Japönsk börn eru samkvæmt rannsóknum þau heilbrigðustu í veröldinni ef marka má Readers Digest.
Þetta geta íslenskir foreldrar lært af þeim japönsku:
Hollur matur
Að velja hollan og góðan mat skiptir öllu máli þegar kemur að mataræði á heimilinu. Eins er hollt og gott að bjóða upp á nóg af grænmeti, brúnum hrísgrjónum í stað þess að vera með brauð eða pasta.
Sem dæmi má bjóða upp á grænmeti, fisk og fleira sem aðalrétt. Síðan er góð regla að borða ávexti eftir matinn sem gefur orku og heldur blóðsykrinum uppi.
Margar máltíðir
Í Japan nýtur fólk þess að borða og borðar mun oftar en á Vesturlöndum. Skammtarnir eru minni og hollustan meiri. Að setja jákvæðni inn í hverja máltíð heldur fallegu hugmyndakerfi í kringum barnið.
Ef foreldrar njóta þess að elda, setja ást í matseldina og eiga góða samverustund með börnum sínum við matarborðið myndar það jákvætt andrúmsloft á heimilinu.
Nýjungar eru góðar
Þegar börn eru ung vilja þau frekar einhæfan mat. Það er því talið mikilvægt að bjóða börnum upp á nýjan mat að smakka reglulega.
Það þarf ekki að kosta mikið að lauma nýjum ávexti eða grænmeti inn í máltíðina.
Stundum vilja börn prófa nýja hluti, stundum ekki. Í það minnsta sakar ekki að reyna ef maturinn er hollur.
Litlir diskar
Í mörg ár hafa börn líkt og foreldrar þeirra verið að borða of stóra skammta. Japanir nota litla diska undir matinn sinn og fá sér þá heldur oftar á diskinn. Eins borða þeir fleiri máltíðir en þekkist á Vesturlöndum.
Hreyfing er mikilvæg
Börn í Japan eru dugleg að hreyfa sig. Að stuðla að útiveru fyrir börn er hollt fyrir alla. Ekkert barn ætti að missa af því að hreyfa sig daglega í minnst 60 mínútur. Það gerir beinin, vöðvana og önnur líffæri heilbrigðari.