Hvernig ferðu að því að borða svona mikið?

Það er hreint ótrúlegt að verða vitni að þeim ummælum sem mæður fá í kjölfar barneigna, sér í lagi þegar kemur að þyngd þeirra. Ef þær eru ekki eins og þær eru vanar að vera, virðist sem sumir geti ekki ráðið við sig og verði að láta skoðun sína í ljós.

Þetta þekkir fyrirsætan Chrissy Teigen af eigin raun og fjallar Daily Mail um málið nýverið. Eins og gefur að skilja reyna barneignir á líkama kvenna. Sumar upplifa það að missa matarlystina, aðrar þyngjast.

Teigen giftist söngvaranum John Legend í september árið 2013. Þau eiga tvö börn saman. Dóttur sem er fædd í apríl árið 2016 og son sem er fæddur í maí árið 2018. Hún hefur talað á opinskáan hátt um lífið sitt og tilveruna. 

Nýverið setti hún inn færslu á Twitter þar sem hún fjallar um að vera tæplega 10 kg þyngri en hún var áður en hún varð ófrísk af syni sínum. Hún segist elska mat og vera að sætta sig við nýja þyngd. Þá sér í lagi þar sem hún kýs fremur að vera með nokkur auka kíló á líkamanum en að vera þunglynd. 

„Eftir að ég einaðist fyrra barnið mitt þá upplifði ég þunglyndi sem varð til þess að ég gat ekki borðað eða komist upp úr rúminu. Í dag vel ég allan daginn frekar að vera með nokkur aukakíló heldur en að vera mjó út af lystarleysi þótt fólki finnist það klæða mig betur.“

• Blogga um frétt