Ben Affleck þakklátur fyrrverandi

Leikarinn Ben Affleck er greinilega þakklátur Jennifer Garner. Hann tileinkaði mæðradaginn fyrrverandi eiginkonu sinni og móður með því að styðja tvö góðgerðarfélög sem vinna að því að aðstoða mæður í fangelsi.

Affleck var giftur Garner frá árinu 2005 til 2018. Móðir hans er Christine Anne Boldt.

Í færslunni á Instagram segir hann m.a. „Ég vil óska tveimur mögnuðum mæðrum til hamingju með mæðradaginn. Þær hafa sýnt mér hvað ást snýst raunverulega um.“

Affleck ákvað að styrkja tvö góðgerðarfélög í þeirra nafni, Cut 50 og National Bailout sem styðja við konur í fangelsi. National Bailout var með söfnun til að ná svörtum konum út úr fangelsi á mæðradaginn.

Það er greinilegt að reynsla hans í gegnum árin hefur gert hann víðsýnni, enda skoðun margra að mikilvægt sé að styðja foreldra í vanda í stað þess að loka þau inni í fangelsum. 

• Blogga um frétt