Nicole Kidman braut eigin reglu

Leikkonan og móðirin Nicole Kidman heldur einkalífi sínu fyrir út af fyrir sig og er ekki ein af þeim stjörnum sem er sífellt með beina útsendingu frá heimilislífinu á samfélagsmiðlum. Hún braut þó óskrifaða reglu sína þegar hún birti myndir af dætrum sínum á Instagram í vikunni. 

„Ég er ekkert án ástar fjölskyldu minnar,“ skrifaði Kidman og birti mynd af sér faðma dæturnar Sunday sem er tíu ára og Faith sem er átta ára. Dæturnar á hún með eiginmanni sínum, tónlistarmanninum Keith Urban. 

Kidman fór varlega þegar hún birti mynd af sér með dætrum sínum en dæturnar snúa baki í myndavélina svo ekki sést í andlit þeirra. Myndin af Kidman með dætrum sínum var tekin á miðvikudaginn, sama dag og hún mætti á frumsýningu sjónvarpsþáttanna Big Little Lies ásamt eiginmanni sínum. 

Kidman átti erfitt með að eignast börn og á tvö eldri ættleidd börn með fyrrverandi eiginmanni sínum Tom Cruise. Yngri dóttir þeirra Urbans, Faith, kom í heiminn með hjálp stagöngumóður. 

• Blogga um frétt