Samkvæmt vef Cosmopolitan býr Khloé Kardashian í leiguhúsnæði með dóttur sinni True um þessar mundir. Ástæðan ku vera sú að hún er að láta endurgera húsið sitt í Calabasas, Los Angeles.
Kardashian systirin hefur gengið í gegnum miklar hremmingar að undanförnu út af körfuboltahetjunni Tristan Thompson. Sögusagnir eru uppi um að hann hafi haldið framhjá henni bæði á meðgöngunni sem og eftir fæðinguna.
Þær mæðgur hafa búið í sex mánuði í leiguhúsnæði.
Með endurgerð á húsinu vil hún ná inn fersku andrúmslofti. Með nýjum litum, ferskum húsgögnum og endurskipulagi telur hún meiri möguleika á nýju upphafi fyrir sig og barnið sitt.