Thomas Markle yngri, bróðir hertogaynjunnar Meghan Markle, vill fá boð í skírnina hjá systursyni sínum Archie. Markle yngri bar upp bónina í viðtali við Express í gær og sagðist vona að skírnin gæti markað nýjan kafla hjá fjölskyldunni.
Lítið hefur heyrst í fjölskyldu Meghan síðustu mánuði, en faðir hennar, systir og bróðir höfðu farið mikinn í viðtölum mánuðina eftir brúðkaup Meghan og Harry Bretaprins.
Fjölskylduerjurnar hafa gert Meghan lífið leitt, en þau hafa farið ófögrum orðum um hertogaynjuna og eiginmann hennar í fjölmiðlum.
Markle yngri sagðist í viðtalinu að hann væri ekki viss um hvort Meghan myndi bjóða honum en að hann vildi að sjálfsögðu vera viðstaddur.