Landsliðsmaðurinn Sverrir Ingi Ingason og kærasta hans, Hrefna Dís Halldórsdóttir, eignuðust sitt fyrsta barn 1. júlí. Hrefna Dís greinir frá komu erfingjans á Instagram í dag en parið býr saman í Grikklandi þar sem Sverrir Ingi spilar knattspyrnu.
„01.07.19 er dagurinn sem litli demanturinn okkar kom í heiminn,“ skrifar Hrefna Dís. „Fyrstu dagarnir með henni hafa verið hreint dásamlegir og erum við foreldrarnir yfir okkur ástfangin.“
Sverrir Ingi og Hrefna Dís sem gerði einnig garðinn frægan sem samkvæmisdansari í þáttunum Allir geta dansað hafa verið saman í sex ár. Á nýársdag tilkynnti Hrefna Dís að hún og Sverrir Ingi Ingason, atvinnumaður í knattspyrnu, ættu von á erfingja í júní. Svo virðist sem stúlkan hafi því látið bíða eftir sér í nokkra daga.