Leikkonan Maya Hawke, nýjasta stjarna þáttanna Stranger Things, er nauðalík foreldrum sínum, leikurunum Uma Thurman og Ethan Hawke.
Foreldrar hennar eru engir nýgræðingar í Hollywood, en Uma Thurman lék meðal annars í Pulp Fiction og Kill Bill-myndunum ásamt fjölda annarra mynda. Ethan Hawke hefur meðal annars leikið í kvikmyndunum Training Day og Boyhood.
Thurman og Hawke voru gift á árunum 1998 til 2005 og eignuðust Mayu árið 1998. Þetta er frumraun Mayu á sjónvarpsskjánum en hún fer einnig með hlutverk í þáttununum Little Women.
Maya fer nú með hlutverk í Stranger Things og er faðir hennar einstaklega stoltur af henni ef marka má færslu hans á Instagram.