Lúðvík litli, yngri sonur Katrínar hertogaynju og Vilhjálms Bretaprins var ekki með í för á úrslitaleik Wimbledon um helgina, en hann fékk samt sem áður gjöf þegar foreldrar hans komu heim af leiknum.
Tennismeistarinn Stan Smith var staddur á leiknum í sömu stúku og Katrín og Vilhjálmur en hann rétti Katrínu áritað skópar af Stan Smith-skónum frægu frá Adidas. Stan Smith er bandarískur tennisspilari sem var á sínum gullaldarárum bestur í heiminum í einleik karla.
Lúðvík litli getur kannski ekki haldið á tennisspaða enn þá en hann getur svo sannarlega spókað sig um í skópari frá einni stærstu tennisstjörnu í heimi.