Elsti sonur leikaranna Brad Pitt og Angelinu Jolie, Maddox Jolie Pitt, heldur nú til Suður-Kóreu til að hefja nám í lífefnafræði.
Maddox varð 18 ára 5. ágúst síðastliðinn og hefur því háskólanám sitt í haust. Að sögn móður hans komst hann inn í fleiri skóla en valdi Yonsei-háskólann í Suður-Kóreu.
Hann er elstur sex systkina og því sá fyrsti sem flýgur úr hreiðri foreldranna. Þau Jolie og Pitt skildu fyrr á þessu ári. Jolie mun koma til með að fylgja syni sínum út og mun svo eflaust heimsækja hann ásamt systkinum hans reglulega.
Fjölskyldan á hús í Kambódíu sem er ekki svo langt frá Suður-Kóreu. Maddox er einnig ættleiddur frá Kambódíu, en Jolie ættleiddi hann árið 2002 þegar hann var aðeins nokkurra mánaða gamall.