Fjölskyldan skipti mestu máli

Það kom mörgum á óvart þegar enski knattspyrnumaðurinn Wayne Roo­ney skrifaði undir hjá enska B-deildarliðinu Derby á dögunum. Rooney sagði á blaðamannafundi að fjölskylduaðstæður hefðu spilað inn í ákvörðun hans að snúa heim frá Bandaríkjunum að því fram kemur á vef Hello. 

Frétt af mbl.is

Rooney fyrst og fremst leikmaður Derby

Rooney á synina Kai sem er níu ára, Klay sem er sex ára, Kit sem er þriggja ára og hinn eins árs gamla Cass með eiginkonu sinni Coleen Rooney. 

„Það er eitthvað sem við horfðum til, eigandi fjóra unga stráka og þetta er mikilvægur tími í skólanum fyrir elsta strákinn minn,“ sagði Rooney um hvernig fjölskylduhagir hans spiluðu inn í ákvörðunina. 

„Þetta er það mikilvægasta fyrir mig en þetta var ekki ákvörðun eingöngu byggð á fjölskylduhögum,“ sagði Rooney og sagði aðra þætti einnig hafa spilað inn í ákvörðun sína. 

• Blogga um frétt