Leikkonan Kate Hudson hefur í nógu að snúast þessa dagana. Hún er bæði að koma sér í form eftir barneignir fyrir næsta kvikmyndahlutverk sitt og að fylgja eftir nýju tískumerki sem hún setti á laggirnar í byrjun ársins. Vörumerkið heitir Happy X Nature og geta konur á öllum aldri fundið fallegan fatnað sem búinn er til í samvinnu við umhverfið og náttúruna.
Hudson vakti athygli nýverið fyrir að vera í kjól í stíl við kjól dóttur sinnar, Rani Rose, sem fæddist á síðasta ári. Ekki er vitað hvort hún stefni á að bjóða upp á barnafatnað með nýja vörumerki sínu, en eitt er ljóst að það að klæðast í stíl við barnið er ekki svo galin hugmynd. Kannski er Hudson að koma af stað nýrri tískubylgju.
Fleiri aðilar eru að stökkva á þennan tískuvagn og má nefna Kardashian-systurnar sem dæmi um það.
View this post on InstagramA post shared by Daily Kardashian's resource. (@kardashianfames) on Aug 13, 2019 at 4:41am PDT