Karlotta prinsessa komst í fréttir fyrir að reka út úr sér tunguna í byrjun ágúst. Töldu flestir að hin fjögurra ára gamla prinsessa væri að ulla á almenning eða ljósmyndara en nú hefur sannleikurinn komið í ljós.
Samkvæmt heimildum People var prinsessan að ulla á móðurafa sinn, Michael Middleton. Karlotta var stödd á siglingakeppni í góðgerðarskyni með fjölskyldu sinni þegar atvikið átti sér stað.
Katrín hertogaynja benti á hóp af fjölskylduvinum og var afi Middleton þar á meðal. Í stað þess að vinka eins og mamma hennar ullaði prinsessan. Útskýrir þetta líklega ástæðuna fyrir því að Katrín fór að hlæja þegar Karlotta rak út úr sér tunguna.