Ellefu ára dóttir leikarans Jóhannesar Hauks Jóhannessonar virðist kunna öll brögðin í bókinni til að siða pabba sinn til. Þeirri stuttu hefur þótt pabbi sinn eitthvað orðljótur ef marka má nýja færslu hans á Twitter.
Jóhannes segir frá því að dóttir hans segist alveg geta hringt í Neyðarlínuna og eyðilagt líf hans.
11 ára dóttir mín rétt í þessu: "Ég get alveg hringt í 112 og sagt að þú blótir geggjað mikið, og þá kemur það í fréttablaðinu á morgun og þá hata þig allir og þú og mamma skiljið. Ég get beisikklí eyðilegt líf þitt."
— Jóhannes Haukur (@johanneshaukur) September 6, 2019
Elsku barnið. #foreldratwitter
Það er ekki bara dóttir Jóhannesar Hauks sem lætur hann heyra það heldur sonur hans líka. Fyrir fáeinum vikum deildi Jóhannes því á Twitter að syni hans þætti pabbi sinn heldur gráðugur og hugsa bara um peninga.
8 ára sonur minn: Varst þú ekki að tala inná auglýsingar fyrir Senu Live?
— Jóhannes Haukur (@johanneshaukur) August 25, 2019
Ég: Jú, en ekki lengur. Nú les ég bara fyrir Lexus.
Sonur: Varstu rekinn?
Ég: Nei, ég hætti. Lexus bauð betur.
Sonur: ...þú ert gráðugur. Þú hugsar bara um peninga.
... (þögn).