Archie litli Harrison fylgdi foreldrum sínum í heimsókn til erkibiskupsins Desmond Tutu og dóttur hans nú í morgun í opinberri heimsókn fjölskyldunnar til Suður-Afríku. 

Archie virtist vera kátur í heimsókninni og var að sjálfsögðu miðpunktur athyglinnar. Fjölskyldan er í sinni fyrstu opinberu heimsókn eftir fæðingu Archie, en hann er aðeins 5 mánaða gamall. Fjölskyldan heimsótti erkibiskupinn í stofnun hans í Höfðaborg. 

Sá stutti átti ekki að vera mikill hluti af dagskrá foreldranna og var ekki með þeim á viðburðum síðustu tvo daga. 

Tutu er gamall vinur Harrys en þeir hittust síðast árið 2015 í Suður-Afríku en þau hjónin hafa reglulega birt tilvísanir í erkibiskupinn á Instagram-reikningi sínum.