Sophia, dóttir leikkonunnar Felicity Huffman má taka SAT-prófið aftur og getur þar af leiðandi reynt að komast inn í háskóla.
Huffman játaði fyrir dómi fyrr í þessum mánuði að hafa greitt Rick Singer, 15 þúsund bandaríkjadali til þess að hækka einkunn dóttur sinnar. Hún sat prófið sjálf, en hún fékk lengdan próftíma og eftir á var röngum svörum breytt hjá henni.
Huffman var dæmd í 14 daga fangelsi, þarf að vinna samfélagsvinnu og greiðir sekt upp á 30 þúsund bandaríkjadali.
Það hefur ekki verið sannað að Sophie hafi vitað af svindlinu og ekkert í máli Huffman sem gefur það til kynna að hún hafi vitað af því. Miðað við reglur um SAT-próf hefur hún því rétt á að taka prófið aftur.
Ef prófnefndin kemst hinsvegar að því að hún hafi vitað af svindlinu myndi hún aðeins fara í 6 mánaða bann frá því að taka prófið. Sá tími er liðinn, enda meira en 6 mánuðir síðan hún tók prófið.