Söngkonan Salka Sól Eyfeld fór í bumbumyndatöku á dögunum en hún og eiginmaður hennar, Arnar Freyr Frostason, eiga von á dóttur í vetur. Salka birti myndirnar á samfélagsmiðlum sínum og skrifaði á Facebook að hún hafi ákveðið að skella í „öðruvísi“ bumbumyndatöku.
„Þegar besta vinkona þín er ljósmyndari fær maður geggjaðar óléttumyndir,“ skrifaði Salka Sól einnig á Instgram um myndatökuna. Átti hún þar við ljósmyndarann Eygló Gísladóttur sem tók myndirnar.
Á myndunum má sjá Sölku Sól í fallegum stuttum silkiflíkum. Á nokkrum myndum má sjá hana með eins konar geislabaug sem minnir á söngkonuna Beyoncé sem skartaði gylltum geislabaug þegar hún kom fram á Grammy-verðlaunahátíðinni árið 2017 þá ólétt af tvíburum sínum.
Ekki er víst hvort að markmiðið hafi verið að vísa í útlit Beyoncé fyrir rúmlega tveimur árum. Söngkonurnar tvær eiga það þó sameiginlegt að syngja eins og englar og vera gullfallegar óléttar.
View this post on InstagramA post shared by 🔸S A L K A 🔸 S Ó L 🔸 (@salkaeyfeld) on Oct 2, 2019 at 5:42am PDT
View this post on InstagramA post shared by 🔸S A L K A 🔸 S Ó L 🔸 (@salkaeyfeld) on Sep 27, 2019 at 9:14am PDT