Backstreet Boys-stjarnan Nick Carter eignaðist sitt annað barn þegar eiginkona hans Lauren Kitt fæddi barn þeirra að því fram kemur á vef People. Fyrir áttu hjónin þriggja ára gamlan son.
Mikið hefur gengið á síðustu vikur og daga hjá Nick Carter en bróðir hans, Aaron Carter, hótaði að drepa ólétta mágkonu sína og ófætt barn hennar.
„Í ljósi ógnvekjandi hegðunar hans og þeirrar játningar hans að hann hugsi um að drepa ólétta eiginkonu mína og ófætt barn okkar höfum við engra kosta völ til þess að tryggja öryggi okkar og fjölskyldunnar. Við elskum bróður okkar og vonum innilega að hann sæki sér þá hjálp sem hann þarf áður en hann skaðar sjálfan sig eða aðra,“ sagði Nick Carter í september. Hinir nýbökuðu foreldrar ásamt systur þeirra Nicks og Aarons Carters fengu nálgunarbann gegn Aaron Carter í kjölfarið.
View this post on InstagramA post shared by Nick Carter (@nickcarter) on May 24, 2019 at 5:34am PDT