Fjölmiðlafulltrúinn vill ekki staðfesta hvar og hversu lengi börnin munu vera í Sviss. Fjölskyldan er þó sögð þekkja landið vel enda eru þau dugleg að fara í skíðafrí þangað á veturna.
Svissneskir skólar eru þekktir fyrir að vera góðir og munu börnin ef til vill efla tungumálakunnáttu sína í leiðinni. Það er ekki óvenjulegt fyrir börn í dönsku konungsfjölskyldunni að stunda nám erlendis en á sínum tíma fóru þeir Friðrik og Jóakim bróðir hans í heimavistarskóla til Frakklands.
Börnin eru ekki þau einu í dönsku konungsfjölskyldunni sem munu dvelja utan Danmerkur en Jóakim Danaprins, bróðir Friðriks, flutti til Frakklands á árinu þar sem hann hóf nám við sérstakan herskóla.