Tvíburadrengir söngkonunnar Celine Dion fögnuðu níu ára afmæli sínu á dögunum. Dion reynir að halda þeim fjarri sviðsljósinu en birti þó myndir af þeim á Instagram í tilefni afmælisins.
„Tvöfaldur hlátur og tvöföld ást. Til hamingju með níu ára afmælið Nelson og Eddy! Ég er svo stolt af strákunum mínum,“ skrifaði Dion meðal annars og fékk góð viðbrögð frá aðdáendum sínum á Instagram.
Faðir tvíburana og eiginmaður Dion, René Angelil, lést árið 2016. Hjónin glímdu við ófrjósemi og fóru þau í margar tæknifrjóvganir til þess að eignast börn sín. Þau eignuðust soninn René Charles árið 2001 og Dion var svo orðin 42 ára þegar tvíburarnir komu í heiminn í október 2010.
View this post on InstagramA post shared by Céline Dion (@celinedion) on Oct 23, 2019 at 10:30am PDT