Kona í Bandaríkjunum deildi frábæru foreldraráði nú á dögunum sem hefur gert líf hennar töluvert einfaldara á síðustu mánuðum. Ráðið er einfalt og kostar ekki neitt og kemur í veg fyrir að dóttir hennar taki grátkast í búðinni.
Margar búðarferðir hjá mæðgunum Kristinu Watts og Emmie höfðu endað með gráti og gnístran tanna eftir að Emmie hafði séð eitthvert dót sem hana langað í en móðir hennar sagt nei.
Kristina var orðin þreytt á búðarferðunum sem versnuðu og versnuðu bara eftir því sem jólin nálgast og búðirnar fyllast af dóti. Hún brá á það ráð að taka mynd af dóttur sinni með öllu dótinu sem hana langaði í og sagði henni að hún myndi senda jólasveininum myndina.
Þetta ráð skotvirkaði og eins og hendi væri veifað voru grátköstin úr sögunni.