Hin bandaríska Elizabeth Smart er nú orðin skilnaðarbarn 32 ára að aldri. Foreldrar hennar, Ed og Louis, höfðu verið gift í 34 ár en eru nú löglega skilin. Ástæðan er sú að faðir hennar er samkynhneigður.
Smart er þekkt fyrir þær sakir að henni var rænt af heimili sínu í Salt Lake City í Bandaríkjunum þegar hún var aðeins 14 ára gömul. Hún var í haldi mannræningja í 9 mánuði en fannst að lokum heil á húfi og mannræninginn var handtekinn.
Smart var rænt frá heimili sínu í Salt Lake City um miðja nótt í júní 2002, meðan foreldrarnir og fjórir bræður hennar sváfu. Maður réðst inn í herbergi hennar með vopn og tók hana á brott með sér. Systir hennar, sem var í sama herbergi, varð vitni að ráninu en lét sem hún væri sofandi.
Ed tjáði sig í fyrsta skipti opinberlega á mánudag. Í viðtali við CBS This Morning sagði hann að hann hafi farið til þerapista og kirkjuleiðtoga í þeirri von að þau gætu hjálpað honum með kvíðann yfir kynhneigð hans.
„Það er engin lækning. Þetta er alls ekki mitt val og ég vildi óska þess að eiginkona mín vissi það. Það er það sem ég óska mest af öllu,“ sagði Ed.