Vilhjálmur Bretaprins og Katrín hertogaynja mættu hvort á sínum bílnum í árlegt jólaboð Elísabetar Bretadrottningar í vikunni. Á meðan yngri börnin tvö sátu aftur í í bíl móður sinnar fékk hinn sex ára gamli Georg að sitja í framsætinu í bíl föður síns. Georg er aðeins sex ára en á Íslandi mega jafnaldrar Georgs ekki sitja í framsætinu. Athygli vekur að fullorðnir einstaklingar sátu aftur í á meðan hinn sex ára gamli Georg situr í framsætinu.
Á Íslandi er mælt með því að börn nái 150 sentimetra hæð áður en þau fá að sitja í framsæti. Á vef Félags íslenskra bifreiðaeigenda er farið vel yfir reglurnar.
„Barn minna en 150 sm má ekki undir neinum kringumstæðum sitja í framsæti þar sem loftpúði er, hvort sem er í barnabílstól eða án. Börnin skulu vera í aftursæti nema þá að búið sé að aftengja og helst að fjarlægja loftpúðann við framsætið,“ stendur á vef FÍB.
Á vef People er farið yfir öryggisreglur sem gilda í Bretlandi. Eru lítil börn sem ekki hafa náð 12 ára aldri sögð þurfa að sitja í ákveðnu bílsæti fyrir börn ef þau sitja í framsæti. Er Georg sagður hafa verið í bílsæti fyrir börn þegar hann fékk að sitja fram í hjá föður sínum.
Some pictures of Team Cambridge arriving at Buckingham Palace today for the Queen’s Christmas lunch.
— Chris Ship (@chrisshipitv) December 18, 2019
Prince Louis and Princess Charlotte were pictured in the back of their parents’ car.
And Prince George was in the front seat as he left after lunch with dad, Prince William. pic.twitter.com/bMktSBMJvt