Leikarinn og barnastjarnan Thomas Brodie-Sangster var aðeins 13 ára þegar hann heillaði heimsbyggðina upp úr skónum í kvikmyndinni Love Actually. Nú er þessi krúttlegi drengur orðinn 29 ára en hefur þó lítið breyst síðan hann sló í gegn í jólamyndinni.
Í myndinni lék Brodie-Sangster hinn 12 ára gamla Sam sem var ástfanginn af skólasystur sinni. Hljóp hann eftirminnilega í gegnum alla flugstöðina til þess að tjá henni ást sína.
Brodie-Sangster er enn þá að leika þrátt fyrir að Love Actually sé líklega stærsta kvikmyndin sem hann hefur leikið í. Hinn unglegi leikari hefur leikið í hinum ýmsu sjónvarpsþáttum og fór meðal annars með hlutverk í Game of Thrones-þáttunum vinsælu.