Íslensku stjörnurnar hafa verið duglegar að fjölga sér á þessu ári. Hver óléttu- og fæðingartilkynningin eftir aðra hafa skreytt samfélagsmiðla og einnig síður barnavefjar mbl.is. Þessi íslensku pör eignuðust börn á árinu sem er að líða.
Fjölmiðlafólkið Sólmundur Hólm og Viktoría Hermannsdóttur eignuðust dóttur snemma á þessu ári. Sú stutta fékk nafnið Hólmfríður Rósa. Sóli og Viktoría eiga nú fjögur börn samanlagt og því nóg að gera á stóru heimili.
Söngkonan Jóhanna Guðrún og Davíð eignuðust soninn Jón Geir. Þau áttu eina dóttur fyrir.
Ragnhildur og Haukur eignuðust tvíburadrengina Tind og Storm í mars síðastliðnum. Þau eiga nú fjögur börn, þrjá drengi og eina stúlku.
Tónlistarmaðurinn Friðrik Dór og eiginkona hans Lísa eignuðust dótturina Úlfhildi í nóvember en fyrir áttu þau dótturina Ásthildi sem er fædd árið 2013.
Tónlistarkonan Þórunn Antonía og leikarinn Kári Viðarsson eignuðust soninn Arnald Þór hinn 1. ágúst.
Sjónvarpsstjarnan Auðunn Blöndal og Rakel Þormarsdóttir eignuðust soninn Theodór Sverri Blöndal.
Fjölmiðlakonan Ingileif og eiginkona hennar María Rut eignuðust soninn Rökkva í ágúst.