Konunglegu börnin sögð mjög kurteis

Georg og Karlotta, eldri börn Vilhjálms Bretaprins og Katrínar hertogaynju, gengu til kirkju á jóladag með foreldrum sínum og stórfjölskyldu. Eftir athöfnina heilsaði konungsfjölskyldan upp á almenning sem hafði safnast saman á leið þeirra. 

Þetta var í fyrsta skipti sem þau Georg og Karlotta tóku þátt í þessari hefð konungsfjölskyldunnar. Georg er 6 ára en Karlotta 4 ára og eru þau því á svipuðum aldri og pabbi þeirra og föðurbróðir voru þegar þeir gengu fyrst til kirkju, en þeir voru báðir 5 ára. 

Systkinin fengu hæstu einkunn frá því heppna fólki sem þau heilsuðu upp á á jóladag. Í viðtali við Sky New sagði kona, sem gaf Karlottu dúkku, að mannasiðir hennar væru til fyrirmyndar. Um mannasiði Georgs sagði fólkið að þeir væru fullkomnir.